shadowc的部落格

作品愛貓之人，現在沒辦法在家養貓貓了(>﹏<)

除了久不久在IG上瀏覽一下貓貓相，以解我單思之情之外，也沒舍好做，總不能常常打擾我那些有養貓的朋友吧？！

得知貓咪貓咪HOME原來有好多貓，會四圍走，可以一邊吃我的晚餐，還可以一邊和貓貓玩呀！

咁開心我當然立刻捉埋我個friend上去啦！cafe地點都好方便，就位於旺角近油麻地，都好容易揾。

一上到來就貼滿好多貓貓海報同貓貓相，一入到室內，原來要脫鞋，也不能光腳，怕不合衛生，可以向店家購買10蚊一對的貓耳襪。而且要先消毒雙手，咁大家在摸貓咪時就唔怕有細菌，又可以對貓咪有更好的保障~

店內環境未算好大，不過咁反而可以和貓兒有更近距離接觸😁

又唔知點解會有個真鋼琴放左喺度，莫非貓貓都需要陶冶性情？😂

四圍都是貓咪的踪影，大胆的甚至可以抱起牠們來影相。我們就選擇了一張黑色貓咪正在睡覺的餐桌來進餐！哈，有貓咪陪住我，吃嘢都開胃啲啫！

點了的一杯焦糖咖啡，有貓咪樣，好得意，雖然其實我覺得似兔仔多啲😂

味道香濃，咖啡入口順滑，焦糖味都幾出，又不會太搶，我幾鍾意~

先來個雞翼小吃，蜜糖雞翼倒也不過不失，沒有太大的驚喜，也不會難食而已。

不過看着那自己行過來倒頭就睡的糖黐豆貓咪，就頓覺那蜜糖味特別甜吧！乖巧的貓，和客人的相處已然十分融合，任我如何的撫摸牠們，也無問題！還會向我撒嬌呢(≧∇≦)

來呢度其實嘆個tea或者晚餐都好唔錯，食件芝士流心西多，整返杯mocha又一個悠閒的afternoon了~

芝士流心口味都幾特別，比平時的花生醬能帶俾我新鮮感，雖然芝士唔算好膨湃，勝在和香脆而又鬆軟的西多士的多種口感好夾。個人覺得幾like~

吃西多唔夠飽？烏冬係必食推介！當然伴碟的貓咪畫得趣致，不過同烏冬味道其實唔夾ka,所以唔好混合吃。其實烏冬本身已經有胡麻醬，用來撈烏冬原來好好食！烏冬夠曬彈牙！第一次食讚崎烏冬的我成個大鄉里咁😅個人認為那種煙韌得來回彈十足但又唔會難咬的情況非常特別， 顛覆了我對烏冬的看法，唔怪之得食呢個烏冬咁多繁瑣工序啦！

甜品來了個藍莓芝士餅，實在的質感，香濃的芝士味，配以淡淡的藍莓芳香，飽曬♡

貓咪貓咪HOME (旺角)

地址 : 旺角彌敦道566-568A號僑建大廈2樓