聽說這間店最出名的雞是芝士雞煲， 不過我們都是愛吃傳統的麻辣雞煲多點， 便叫了一個小辣的來食。
朋友都說：夏天食麻辣雞煲？不是吧？
對， 我對雞煲的熱情就是夏天也撲不息！ 還好還有男朋友陪我癲(≧∇≦)
太子的這間米走雞比長沙灣那間大很多， 坐得也舒適多了！ 也不知是夏天的關係還是店比較大的關係，也不用排隊就有得入座去。
立刻點一個小辣 的麻辣火鍋黎食~
就我們倆小口子所以也只叫了一個小的雞煲， 然後就可留肚叫一點其他配料嚟打邊爐。
個雞煲煮咗一陣， 跟住個店員就過嚟打開個蓋隨即點起火焰！ 這個舉動著實令我有點驚訝， 莫非這樣做會好味一啲？ 不過我覺得這樣好像有點危險呢！ 這裏的雞煲特別之處， 就是全部都是雞髀肉來的！ 所以同樣都是十來件雞肉， 全部吃掉他們原來都已經幾飽下！ 唔怪得之件件都咁嫩啦，原來全部都係雞腿來呀！ 可惜冇我最鍾意食嘅雞翼， 如果全部都係雞翼唔知會唔會更正呢！ 麻辣味道適中，夠麻夠辣，食得惹味又刺激。
食完雞髀就到打邊爐時間， 我們點了一份手切牛頸脊、 一份 竹笙墨魚滑、 一份手打鮮蝦丸、 一碟白鱔片和半份豆腐。 不過如果知道個雞煲有咁大個， 打邊爐的配料應該下次要叫少一點才對。
這種紅色的肉質， 一看就知道非常新鮮！ 當中均勻有緻的雪花， 是高級的肉質的象徵呢！
果然放湯內輕輕灼熟之後， 嫩滑 的程度有如入口即溶， 令人不禁好想再快啲食下一塊！ 轉瞬間！一碟！清倉！
竹笙墨魚滑是一個非常有特色的菜式，竹笙 一方面吸收了湯的麻辣味道，墨魚滑又彈性十足， 將兩種我好鍾意食嘅食材放埋一齊 ， 效果果然充滿火花 ！而且其他地方好小食到咁得意嘅款式~
手打蝦丸肉有大量蝦肉，增加了鮮味，整體彈性和口感都很好。
白鱔亦很新鮮， 這個魚基本上新鮮就已經是 贏了，好食是理所當然。
留言列表
