又是好味雞煲時間，無論冬天定夏天，我食雞煲的熱情是不會減退的！
這裡環境非常新派，而且地方雖小，但座位之間空間感夠，令人坐得好舒服！
最重要是這裡氣味非常好！通常好味雞煲才有這種香味的，果然雞煲一端上來，會令我忍不住從煲頂個小孔饑餓地狂吸！一會兒過後，侍應生會過來幫我們將煲內的食材攪拌，包括醬啦，雞啦，芫茜啦，青椒啦，紅洋蔥啦，都攪拌起來，再焗上兩分鐘，就可以開動了！
雖然是bb 辣，但是都ok有辣的感覺，而醬汁味道非常濃郁，食落夠曬味，而且雞件切得夠大件，不會俾人感覺碎濕濕骨慘慘，反而是淡淡肉，腿是腿，翼是翼，完全大方！加上雞肉夠嫩夠滑，完全不是雪藏雞的感覺，造出只有新鮮雞肉才有的嫩滑，值得一讚！再者例牌的份量都夠曬大煲，單食這煲已經覺得好滋味！
食完咁好食的雞，更加誘發我對其他食物的興趣呀！
立刻點了一杯芒果沙冰降下温先，不太甜，啱啱好，芒果味特濃而且夠滑，而且大大杯有排嘆，超讚！
有幾款美食一定要推介給大家，第一款是這個百花加咸牛芝士釀油條雙併，估不到平凡的外表下竟然如此好味！這油條下煲的時候原來有小秘訣，就是油條向天，咸牛肉向湯，咸牛肉大約煮20秒即可，而百花即墨魚滑就要大約40秒左右。一煮好，什麼醬油也不用，已經好好味！首先咸牛肉既有咸香，而帶少許芝士味道，加竟然還是脆的油炸鬼，三層口感將味蕾一下又一下引領向wonderland!百花則是非常彈牙而且夠鮮甜，配上香脆的油炸鬼估唔到咁夾！兩款都好好食！分不到高低呀！這個如此新穎構思的菜式我未見過其他地方有，我們都盛讚呢！
牛肉當然是不能缺少之物啦！因為有太多選擇，所以就點了個拼盤~這拼盤包括有美國肥牛啦，金錢啦，手切肥牛啦，同牛柳粒。牛柳粒最好味，夠咬口之餘不覺靭，而且牛味特濃之餘更吸曬啲湯汁的精華，食落特juicy。手切肥牛都可以，都夠滑但牛味爭小小，美國肥牛多根，食落有點靭而且肥瘦分離，不太好食。反而無膏的金錢表現較理想，牛靭有咬口，仲幾彈牙~
炸響鈴一看就知是自家炸，非常粗獷的外形，放入和濃的雞湯內5秒即食，已經好似海棉般“索“曬啲湯汁，但又keep到小小脆，這種口感食極都不厭呢！所以響鈴不得不點呢！
日本廣島蠔真是邊爐之選，比桶蠔細隻，可是味道更鮮，蠔味更重，一啖一隻，濃濃的蠔味在口腔內爆開，完全是享受^^一口接一口吃不停呢！
看到肥嘟嘟的桂花蚌嗎？係咪好吸引呢？我覺得形態就好似游水時掛在手臂上的水泡一樣豐滿而且厚實呢！食落真是超爽甜，鮮味是逐下逐下好似爆汽球咁爆出來，同平時食到的差天共地！滿足感隨著厚實的質感變得更實在！識食一定要叫桂花蚌！
墨汁墨丸亦是必食之選！平時我食墨汁無食過咁好味的！連我最愛的手打蝦丸都被比下去呢！墨汁墨丸是手打的，內裡有好多墨魚粒，唔知係咪加了墨魚汁的關係，空氣感超強，彈牙得來有通透的感覺，而且比白色墨魚丸更有甜味，將食丸帶到另一個層次！蝦丸係我至愛，感情分一定有，彈牙鮮甜就例牌出現，是穩陣之選~我想我會因為記掛墨汁墨丸而再來陸陸呢！
contact me:
電郵地址：halloshadowking@yahoo.com.hk
instagram:http://instagram.com/shadowccheung
歡迎加入fanpage :https://www.facebook.com/Shadowcblog
my share platform:
<google+><Fashion & beauty><Beautylife><The ztyle><Beautyexchange><Blogspot><she.com><Imore>
<Lady Qooza><qooza beauty><weshare>
留言列表
