令人難忘的竟然是黃豆？@傳統印度菜

最近愛上吃印度菜，因為印度菜味道更濃，使用的香料較重，吃起來特美味！而且烤包很好食，即烤即食的特色我尤其buy,麵包控的我簡直不能自拔地愛上。

今日來到這間傳統印度餐廳番尋味！因為上次食完覺得幾好食，而且在中環揾到間有質素又唔太貴又坐得舒服嘅都唔容易。今日去完山頂玩，帶着妹妹再過來食。

晚餐時間加上假日，餐廳都幾乎坐滿了客人，可以樓面只有一個人一腳踢，難免有點手忙腳亂，但客人們都包容地安坐體諒，輪流地點餐，想必大家都已經是熟客了，所以對這裡的情況也略知一二。雖然外面一腳踢，㕑房內卻很熱鬧，也不過十五分鐘光景就差不多所有客人都有吃的了。

我們就是簡單地點了set dinner,因為set dinner好豐富，有十個項目卻只需318元，還是二人份的，而且夠飽夠食，款式又多，所以我眼見幾乎每張枱都是set dinner呢！

頭盤由這個由青瓜乳酪，薯蓉咖喱角和炸雜菜所組成。炸得香口，將炸物沾乳酪食，解膩之餘更帶出蔬菜的鮮，而且感覺無咁熱氣！

餐飲包了每人一杯，這個芒果lisse 好受歡迎的，我每次都見到好多人飲。的確，像乳酪飲料的質感加上酸酸甜甜的，好飲又解辣！而且是特飲卻不用額外費用，難怪受歡迎啦！

再來是這個熱氣騰騰的無骨燒雞和烤魚鐵板上枱的！不得不說這個烤魚超入味！咖喱味勁濃，而且魚肉都滑，幾好食，可惜一人得兩舊好似唔多夠喉。

這款咖喱黄豆一定要食！一開始見到侍應拎左個桶過來，裡面咩都無，得一桶黃色汁，覺得咁都算一款菜？裡面仲要唔覺有豆嘅？仲要咁大桶？邊度食得曬？都即管點下包啦。點知一食，我和妹妹都“噢“左咀！點解咁好味嘅？用來點飯同包都超正！淡淡的咖喱味，那些黃豆煮到都和啲汁融為一體了，不算太辣，總之就香，送飯送到停唔到口，減肥千其唔好食佢，否則一定失敗！