在荔枝角返工的我，公司較近長沙灣，平常好少去到咁遠食飯，剛好今日是和朋友刻意去香工“濕平“的，所以就揀左間就腳的餐廳吃午餐。
之前有試過呢度的 Creme Burlee cheese cake覺得挺好吃的，所以也和朋友來試下個午餐先！
午餐時分果然有點人潮，一邊排隊一邊睇下有甚麼好東東先！
以西餐為主打的Pati by Lassana 果然mainly亦是以意粉為主。酷愛大堆頭的我，原因就是呢樣又想試那種又不願錯過，卻眼闊肚窄總是撐不下。lunch set內的E餐真的好啱我呢啲“花心“的人了，可以將主食、配菜和沙律都一網打盡！正！
主食都有好多選擇，以麵包和意粉主打。例如有煙三文魚黑竹炭包、煙火腿牛角包、咸牛肉軟法包、也有烤雞腿或bb豬肋骨可以選擇！款式也頗多而且食材高級，一點也不像是一個只售63元的lunch set!非常着數！
見到如此色彩繽紛的沙律又豈能抑制那垂涎欲滴的感覺呢？
原本我想揀長通粉來食，因為見到個白汁和又粟米又菜絲咁好似好吸引，不過唸起自己揀左個咸牛肉包，應該一次過都食唔到咁多澱粉質了，所以都是選擇了第二“志願“西蘭花吧！
Main我揀左咸牛肉軟法包，中間夾層還夾了厚厚的菜和一塊芝士，既可增添口感，又可中和咸牛肉的咸味。軟法包都夠軟夠鬆，雖未至於棉花糖的口感，但也算有雲端feel~咸牛肉比我想像中好食，因為其他地方食到的多數比較乾，有時甚至會有樹皮feel,而呢度食到的尚算juicy,有較軟身的肉感，只是咸度我認為可以light一點就perfet了！
我的第二“志願“方面，我會prefer水煮多啲，因為西蘭花面積大，莖又粗，煮就易熟一點的同時會keep到口感。不過呢度好明顯是炒的，所以火侯有點難控制吧？煮出來還有點焦味，所以我不過是淺嘗了兩顆便是，也沒有食很多。
還好還有個超級豐富的沙律等緊我！
就是那個色彩繽紛的，材料原來也很豐富呢！有我非常like的蜜桃♡♡♡😁有好多菜，其中還有些都幾貴下的不過我唔知叫咩名，只知道在citysuper我買過一包細細包都要40元的菜；還有好多塊煙鴨胸！正！所有食材都是我愛吃的！好似是為我度身訂造的沙律一樣！(妄想症發作中)
新鮮的口感，翠綠的色澤，再配上又酸卻帶甜的醋汁，大大盤的沙律竟然都被我旋風式的掃蕩了就知有幾好食啦！
最後我還嘆左杯即煮咖啡，想不到在 food court的小店內，都可以飲到手工咖啡！因為每一杯都需要繁瑣的工序，又每一杯都是手製，而且實在太多人都喜愛嘆番杯，所以是需要一點等候時間的。
不過，等待也是值得的。手工咖啡嘛，就是有種特別順喉的質感，即是好像奶茶要飲絲襪那種呢？而且味道濃卻苦澀味較輕，加小小糖已經可以了。一個早晨就是由一杯靚咖啡開始，誰說不是呢？
見到呢張海報，又令我回憶起那芝士蛋糕的質感了，忍不住又帶了它回家！美食當前，果然不能自已！
Pati by Lassana (荔枝角)
地址 : 荔枝角青山道688-690號嘉名工廠大廈地下VeryFood Court 11-12號舖
留言列表
